Vinna heldur áfram

Gleðilegt nýtt ár.  Enn er verið að vinna í Tjarnarbíó og er búið að reysa vinnupalla í salnum til að auðvelda vinnu við loftið.  Sjá myndir í myndaalbúmi.

 

Pallborð í Iðnó

 

Sjálfstæðu leikhúsin standa fyrir pallborði um samstarf sviðslistastofnanna og leikhópaí Iðnó föstudaginn 5. desember kl. 12-13:30 Á pallborði verða:Karítas H. Gunnarsdóttir - skrifstofustjóri menningarmála í Menntamálaráðuneytinu /Inga Jóna Þórðardóttir- formaður LR /Aino Freyja Järvelä - formaður SL /Viðar Eggertsson – leikstjóri og forseti leiklistarsambandssins/ Arndís Hrönn Egilsdóttir – forsvarsmaður Sokkabandsins/Gunnar I. Gunnteinsson – MA í menningar- og menntastjórnun.  Fundastjóri: Felix Bergsson  Aðagangur ókeypis  og léttur hádegisverður í boði Skráning á [e-mail] www.leikhopar.is

Allt á fullu...

Búið er að steipa anddyri og verið að vinna í salargólfi.  Sjá myndir í albúmi.

Niðurrifi lokið og uppbygging hefst!

Nú hefur verið lokið við fyrsta áfanga af framkvæmdum í Tjarnarbíó sem fólst í niðurrifi í húsnæðinu.  Hafist verður handa við að byggja upp og breyta húsnæðinu strax í næstu viku.  Framkvæmdir hafa eitthvað dregist m.a. vegna þess að fornleifar fundust þegar gólf voru fjarlægð.  Áætlað er að opna aftur haustið 2009.  Hægt er að skoða myndir af módelinu hér á síðunni undir myndaalbúm.

Niðurrifi að ljúka í Tjanarbíó

Nú fer niðurrifinu að ljúka í Tjarnarbíó og búið að fjarlægja salerni og milliveggi.  Hægt að skoða nýtt myndaalbúm hér á síðunni.

Götumynd Tjarnarbíós

Búið er að rífa innan úr Tjarnarbíó og er hafin undirbúningur á að gera þær breytingar sem þarf að ráðast í innanhúss. Einnig er hafin undirbúningur að viðbyggingu sem mun hýsa skrifstofu SL, miðasölu og nýtt anddyri sem jafnframt verður kaffihús. Á myndinni má sjá hvernig húsið mun líta út frá Tjarnargötu og er óhætt að fullyrða að mikill tilhlökkun hefur gripið um sig meðal kvikmynda- og sviðslistamanna sem hafa kynnt sér málið.

Niðurrifi að ljúka í Tjarnarbíói

 

Niðurrifi í Tjarnarbíó fer að ljúka næstu daga.  Búið er að fjarlægja allt sem þarf úr salnum og verður hafist handa við að fjarlægja salernisaðstöðuna og búningsherbergin. 

Áhorfendabekkir á lausu - núna!

Þar sem framkvæmdir eru hafnar í Tjanarbíó og byrjað að rífa innan úr húsnæðinu eru  allir áhorfendabekkir leikhúsinns falir enda verða nýjir bekkir keyptir í húsnæðið eftir að framkvæmdum lýkur.  Hefur einhver áhuga á að eignast þessa bekki?  Þeir eru rauðir og eru um 10-12 ára gamlir.   Alls eru þetta um 200 sæti – í misjöfnu ástandi en sl. september  var farið yfir þá og nokkrir yfirdekktir og þrifnir.  Ekki er nauðsynlegt að kaupa alla í einu heldur mun framboð og eftirspurn ráða för.   Þar sem það verður að losna við bekkina sem fyrst til að framkvæmdir geti haldið áfram óskum við eftir skjótum viðbrögðum frá ykkur.  Hér er ekki tími til að vega og meta heldur hrökkva eða stökkva.  Bekkirnir verða að fara út úr húsinu nk. föstudag  25. apríl.  Að öðrum kosti verður þeim fargað.  Ef þið hafið áhuga þá vinsamlegast hafið samband við skrifstofu SL með því að senda tölvupóst á [e-mail] og í kjölfarið munum við hafa samband til að fara yfir málin. 

Gríman veitt föstudaginn 13. júní í Þjóðleikhúsinu

GRÍMUHÁTÍÐIN, árleg uppskeruhátíð sviðslista, verður haldin í sjötta sinn föstudaginn 13. júní í Þjóðleikhúsinu og í beinni útsendingu Sjónvarpsins. Veitt verða verðlaun í sautján flokkum sviðslista auk heiðursverðlauna Leiklistarsambands Íslands sem veitt verða listamanni er skilað hefur mikilvægu ævistarfi í þágu sviðslista.

Sannkölluð rafspenna verður á Stóra sviði Þjóðleikhússins því aldrei hafa fleiri sýningar komið til álita til Grímunnar, en þær eru orðnar 75 talsins. Leikárið hefur verið fjölbreytt að vanda og aðsóknarmet hafa fallið enda aldrei fleiri áhorfendur sótt sýningar leikhúsanna.
Að lokinni verðlaunaafhendingu verður slegið upp dýrindis dansleik í Þjóðleikhússkjallaranum en Grímuballið hefur hingað til verið eitt heitasta sumarballið á mölinni.

Leikárinu lýkur síðasta vetrardag, þann 23. apríl. Tilnefningar verða opinberaðar um miðjan maí á fréttamannafundi í Þjóðleikhúsinu.

Tjarnarbíó lokað vegna framkvæmda

Nú er búið að loka Tjarnarbíó en framkvæmdir hefjast á húsnæðinu eftir helgi.  Reykjavíkurborg hefur samþykkt að breyta húsnæðinu í samræmi við hugmyndir SL og er stefnt að því að opan aftur í byrjun árs 2009.  Hægt er að skoða teikningar af fyrir huguðum breytingum á slóðinni: http://www.leikhopar.is/Apps/WebObjects/BandSjalfsLeikhusa.woa/1/wa/dp?id=1000615&wosid=zpb3PjbgTu7kLCLUiceptw